ரியாத்,
கிங் கோப்பை கால்பந்து தொடர் சவூதி அரேபியாவில் நடைபெற்று வருகிறது. இதில் நேற்று நடைபெற்ற காலிறுதி ஆட்டத்தில் ரொனால்டோ தலைமையிலான அல் நசீர் அணி, அல் ஷபாப் அணியுடன் மோதியது. இதில் தொடக்கம் முதலே முன்னிலை பெற்ற அல் நசீர் 5-2 என்ற கோல் கணக்கில் அல் ஷபாப் அணியை வீழ்த்தி அரையிறுதிக்கு முன்னேறியது.
அல் நசீர் அணி தரப்பில் ரொனால்டோ, சாடியோ மேனி, அப்துல்ரஹ்மான் கரீப், முகமது மாறன் மற்றும் செகோ போபனா ஆகியோர் தலா 1 கோல் அடித்தனர். அல் ஷபாப் அணி தரப்பில் கார்லோஸ் மற்றும் ஹட்டன் பஹேப்ரி ஆகியோர் தலா 1 கோல் அடித்தனர்.
ரொனால்டோ இந்த ஆட்டத்தில் அடித்த கோல் நடப்பு ஆண்டில் அவரது 50-வது கோலாக பதிவாகி உள்ளது.
