ரோசாரியோ,

அர்ஜென்டினா, இந்தியா, சிலி, உருகுவே ஆகிய 4 நாடுகளைச் சேர்ந்த ஜூனியர் மகளிர் அணிகள் இடையிலான சர்வதேச ஆக்கி போட்டி அர்ஜென்டினாவில் உள்ள ரோசாரியோ நகரில் நடந்து வருகிறது. இதில் இந்திய அணி தனது முதல் 3 ஆட்டங்களில் வரிசையாக வெற்றி பெற்றிருந்தது.

இதனையடுத்து இந்தியா தனது 4-வது ஆட்டத்தில் சிலியுடன் நேற்று மோதியது. விறுவிறுப்பான இந்த ஆட்டம் வழக்கமான நேரம் முடிவில் 2-2 என்ற கணக்கில் சமநிலையில் முடிந்தது.

இரு அணிகளும் சமநிலை வகித்ததால் வெற்றி, தோல்வியை நிர்ணயிக்க பெனால்டி ஷூட்-அவுட் முறை கடைபிடிக்கப்பட்டது. இதில் இந்திய அணி 1-3 என்ற கோல் கணக்கில் சிலியிடம் வீழ்ந்தது.