ஏ டிவிசன் ஆக்கி லீக்: ஆயுதப்படை போலீஸ் அணி வெற்றி

சென்னை,

சென்னை ஆக்கி சங்கம் சார்பில் ஏ டிவிசன் ஆக்கி லீக் போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் நேற்று நடந்த ஆட்டம் ஒன்றில் ஸ்போர்ட்டிங் பிரதர்ஸ் அணி 2-1 என்ற கோல் கணக்கில் கோட்டூர் புல்மூன் அணியை வீழ்த்தியது. மற்றொரு ஆட்டத்தில் ஆயுதப்படை போலீஸ் அணி 2-1 என்ற கோல் கணக்கில் அடையார் யுனைடெட் அணியை வென்றது. இன்னொரு ஆட்டத்தில் மெட்ராஸ் கிரிக்கெட் கிளப் அணி (எம்.சி.சி) 5-0 என்ற கோல் கணக்கில் எவர் மெர்ரி கிளப் அணியை தோற்கடித்தது.