பார்சிலோனா,
ஸ்பெயின் ஆக்கி சம்மேளனத்தின் நூற்றாண்டு கொண்டாட்டத்தின் ஒரு பகுதியாக இந்தியா, ஸ்பெயின், இங்கிலாந்து பெண்கள் அணிகள் பங்கேற்ற ஆக்கித் தொடர் அங்குள்ள பார்சிலோனா நகரில் நடந்து வந்தது. இதில் ஒவ்வொரு அணியும் மற்ற அணிகளுடன் தலா 2 முறை மோதின. இந்திய அணி நேற்று நடந்த கடைசி லீக்கில் 3-0 என்ற கோல் கணக்கில் ஸ்பெயினை வீழ்த்தி அமர்க்களப்படுத்தியது.
வந்தனா கட்டாரியா (22-வது நிமிடம்), மோனிகா (48-வது நிமிடம்), உதிதா (58-வது நிமிடம்) ஆகியோர் இந்திய அணியில் கோல் அடித்தனர். ஸ்பெயினின் சில கோல் வாய்ப்புகளை இந்திய கேப்டனும், கோல் கீப்பருமான சவிதா அருமையாக செயல்பட்டு முறியடித்தார். இந்த தொடரில் தோல்வியே சந்திக்காமல் வீறுநடை போட்ட இந்தியா 2 வெற்றி, 2 டிரா என்று 8 புள்ளிகளுடன் முதலிடம் பிடித்து கோப்பையை தட்டிச் சென்றது. ஸ்பெயின், இங்கிலாந்து தலா 4 புள்ளிகள் பெற்றன.
Hockey India (@TheHockeyIndia) July 30, 2023 ">Also Read:
