சென்னை,
சென்னை ஆக்கி சங்கம் சார்பில், சூப்பர் டிவிசன் ஆக்கி லீக் போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் நேற்று நடந்த லீக் ஆட்டம் ஒன்றில் இந்தியன் வங்கி-இந்திரா காந்தி கிளப் அணிகள் மோதின. இதில் தொடக்கம் முதலே ஆதிக்கம் செலுத்திய இந்தியன் வங்கி அணி கோல் மழை பொழிந்தது. முடிவில் இந்தியன் வங்கி அணி 11-1 என்ற கோல் கணக்கில் எளிதில் வெற்றி பெற்றது.
இந்தியன் வங்கி அணியில் ஸ்ரீகாந்த் 4 கோலும், வினோதன் 2 கோலும், மதன், ராஜா, ஸ்டாலின் அபிலாஷ், மணிகண்டன், திராஸ் தலா ஒரு கோலும் அடித்தனர். இந்திரா காந்தி கிளப் தரப்பில் சுரேந்தர் ஒரு பதில் கோல் திருப்பினார். மற்றொரு ஆட்டத்தில் இந்திய உணவு கழக அணி 4-0 என்ற கோல் கணக்கில் ஏ.பி.எம்.இன்போடெக் அணியை தோற்கடித்தது. இந்திய உணவு கழக அணியில் ஜீவன்குமார் 2 கோலும், ஹரிகரன், ரஞ்சித் தலா ஒரு கோலும் அடித்தனர்.
இன்று நடைபெறும் லீக் ஆட்டங்களில் ஜி.எஸ்.டி. மற்றும் கலால் வரி-ஏ.ஜி.அலுவலகம் (பிற்பகல் 2.30 மணி), இந்தியன் ஓவர்சீஸ் வங்கி-தமிழ்நாடு போலீஸ் (மாலை 4 மணி) அணிகள் மோதுகின்றன.