சென்னை,
சென்னை மாவட்ட ஆக்கி சங்கம் சார்பில், ஸ்ரீராம் சிட்டி நிறுவனம் ஆதரவுடன் சூப்பர் டிவிசன் ஆக்கி லீக் போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது.
இதில் நேற்று நடந்த ஆட்டம் ஒன்றில் ஐ.ஓ.பி. அணி 6-3 என்ற கோல் கணக்கில் சென்னை துறைமுகத்தை தோற்கடித்து தொடர்ச்சியாக 6-வது வெற்றியை ருசித்தது. மற்றொரு ஆட்டத்தில் சென்னை மாநகர போலீஸ் அணி 3-2 என்ற கோல் கணக்கில் இந்திய விளையாட்டு ஆணையைத்தை (சாய்) வீழ்த்தி 2-வது வெற்றியை பெற்றது.
இன்று நடைபெறும் ஆட்டங்களில் ஏ.ஜி.அலுவலகம்-இந்திரா காந்தி கிளப் (பிற்பகல் 2 மணி), வருமான வரி-எஸ்.டி.ஏ.டி. (மாலை 4 மணி) அணிகள் மோதுகின்றன.