ஜகார்த்தா,
இந்தோனேசியா மாஸ்டர்ஸ் பேட்மிண்டன் போட்டி ஜகார்த்தாவில் நடந்து வருகிறது. இதில் நேற்று நடந்த ஆண்கள் ஒற்றையர் 2-வது சுற்று ஆட்டம் ஒன்றில் இந்திய இளம் வீரர் லக்சயா சென் 21-18, 21-15 என்ற நேர்செட்டில் டென்மார்க்கின் ரஸ்முஸ் ஜெம்கியை வீழ்த்தி காலிறுதி போட்டிக்குள் நுழைந்தார்.
இன்று நடைபெற்ற காலிறுதி போட்டியில் உலகின் 4ம் நிலை வீரரான சௌ தியென் சென்-னை லக்சயா சென் எதிர்கொண்டார். தொடக்கம் முதலே பரபரப்பாக நடைபெற்ற இந்த போட்டியில் லக்சயா சென் 16-21, 21- 12, 14-21 என்ற செட் கணக்கில் போராடி தோல்வி அடைந்தார்.
ஒரு மணி நேரத்திற்கும் மேலாக நீடித்த இந்த போட்டியில் தோல்வி அடைந்ததன் மூலம் ஒற்றையர் பிரிவில் இருந்து லக்சயா சென் வெளியேறியுள்ளார். இதனால் இந்திய ரசிகர்கள் சோகம் அடைந்துள்ளனர்.