கோலாலம்பூர்,
மலேசியா மாஸ்டர்ஸ் பேட்மிண்டன் போட்டி கோலாலம்பூரில் நடைபெற்று வருகிறது. இதில் இன்று நடந்த பெண்கள் ஒற்றையர் பிரிவின் காலிறுதி ஆட்டம் ஒன்றில் இந்திய வீராங்கனை பி.வி.சிந்து, சீனாவின் ஹான் யு உடன் பலப்பரீட்சை நடத்தினார். இருவரும் சரி சம பலத்துடன் மல்லுக்கட்டியதால் ஆட்டம் விறுவிறுப்பாக சென்றது.
இதில் முதல் செட்டை சிந்து கைப்பற்றிய நிலையில், 2-வது செட்டை ஹான் கைப்பற்றினார். இதனால் 3-வது செட் பரபரப்புக்குள்ளானது. மிகுந்த எதிர்பார்ப்புகளுக்கு மத்தியில் அந்த செட்டை பி.வி.சிந்து கைப்பற்றி வெற்றி பெற்றார். முடிவில் சிந்து 21-13, 14-21 மற்றும் 21-12 என்ற செட் கணக்கில் வெற்றி பெற்று அரையிறுதிக்கு முன்னேறி அசத்தியுள்ளார்.
இவர் அரையிறுதி சுற்றில் தாய்லாந்து வீராங்கனையான ஓங்பாம்ருங்பன் உடன் மோத உள்ளார்.
