விசாகப்பட்டினம்,

புரோ கபடி லீக் போட்டி 2014-ம் ஆண்டு முதல் நடத்தப்பட்டு வருகிறது. இந்த ஆண்டுக்கான 12-வது புரோ கபடி லீக் விசாகப்பட்டினத்தில் நேற்று முன்தினம் தொடங்கியது . முதற்கட்ட லீக் ஆட்டங்கள் செப்டம்பர் 11-ந் தேதி வரை விசாகப்பட்டினத்திலும், அடுத்த கட்ட ஆட்டங்கள் முறையே ஜெய்ப்பூர் (செப்.12-27), சென்னை (செப்.29- அக்.10), டெல்லி (அக்.11-23) ஆகிய இடங்களிலும் நடைபெறுகிறது.

இந்த தொடரில் இன்று நடைபெற்ற ஆட்டத்தில் தமிழ் தலைவாஸ் - யு மும்பா அணிகள் மோதின. பரபரப்பான இந்த ஆட்டத்தில் சிறப்பாக விளையாடிய யு மும்பா அணி 36-33என்ற கணக்கில் வெற்றி பெற்றது.

பெங்கால் வாரியர்ஸ் - அரியானா ஸ்டீலர்ஸ் அணிகள் இடையேயான மற்றொரு ஆட்டத்தில் 54-44 என்ற கணக்கில் பெங்கால் வாரியர்ஸ் வெற்றி பெற்றது