பெங்களூர்,
12 அணிகள் பங்கேற்கும் புரோ கபடி லீக் போட்டி பெங்களூரில் நடைபெற்று வருகிறது. இதன் லீக் சுற்றுகள் முடிவடைந்த நிலையில், புள்ளிப் பட்டியலில் முதல் 6 இடங்களை பிடித்த அணிகள் பிளே ஆப் சுற்றுக்கு முன்னேறியுள்ளன.
இந்த நிலையில், இன்று நடைபெறும் எலிமினேட்டர் 1 சுற்றில் உபி யோத்தா- புனேரி பால்டன் அணிகள் இரவு 7.30 மணியளவி மோதின. விறுவிறுப்பாக நடைபெற்ற இந்த போட்டியில் யுபி யோத்தா அணி 42-31 என்ற புள்ளிகள் கணக்கில் புனேரி பல்டனை வீழ்த்தியது. இதன் மூலம் யுபி யோத்தா அணி அரையிறுதிக்கு முன்னேறியுள்ளது.
இதையடுத்து இரவு 8.30 மணிக்கு தொடங்கி நடைபெற்றுவரும் மற்றொரு எலிமினேட்டர் சுற்றில் குஜராத் ஜெயண்ட்ஸ் அணியும், பெங்களூரு புல்ஸ் அணியும் மோதி வருகின்றன.