பாரீஸ்,
பிரான்ஸ் நாட்டின் பாரீஸ் நகரில் பேட்மிண்டன் உலக சாம்பியன்ஷிப் போட்டிகள் நடந்து வருகின்றன. இதில், உலக தர வரிசையில் 2-ம் இடம் வகிக்கும் சீன வீராங்கனையான வாங் ஜி யி மற்றும் ஒலிம்பிக்கில் 2 முறை பதக்கம் வென்றவரான பி.வி. சிந்து ஆகியோர் இன்று விளையாடினர்.
போட்டியில் சிந்து, சீன வீராங்கனை வாங்கை எப்படி எதிர்கொள்ள போகிறார் என ரசிகர்கள் ஆவலுடன் எதிர்பார்த்து இருந்தனர். ஆனால், சிந்து திறமையை வெளிப்படுத்தி 21-17, 21-15 என்ற செட் கணக்கில் வெற்றி பெற்றார். காலிறுதிக்கும் முன்னேறினார்.
வாங்கை வீழ்த்தியபோது, தனக்கே உரிய பாணியில் அவர் கர்ஜனை செய்து மகிழ்ச்சியை வெளிப்படுத்தினார். இதுபற்றிய வீடியோவும் வைரலாகி வருகிறது. நாளை நடைபெறும் போட்டியில், இந்தோனேசியாவின் புத்ரி குசுமா வர்தானியை, சிந்து எதிர்கொள்கிறார்.