பாசெல்,
சுவிட்சர்லாந்து ஓபன் பேட்மிண்டன் போட்டி பாசெல் நகரில் நடந்து வருகிறது. இதில் ஆண்கள் ஒற்றையர் முதலாவது சுற்றில் இந்திய வீரர் ஸ்ரீகாந்த் டென்மார்க் வீரர் கிறிஸ்டோபர் சென்னுடன் மோதினார். இந்த ஆட்டத்தில் ஸ்ரீகாந்த் 21-16, 21-17 என்ற நேர் செட்டில் கிறிஸ்டோபர்சென்னை வீழ்த்தினார்.
மற்றொரு ஆட்டத்தில் பிரனாய், சக நாட்டு வீரரான சாய் பிரனீத்துடன் மோதினார். 48 நிமிடங்கள் நடைபெற்ற இந்த ஆட்டத்தில் பிரனாய் 25-23, 21-16 என்ற நேர் செட்டில் பிரனீத்தை வீழ்த்தினார்.
மேலும் இரட்டையர் பிரிவின் முதலாவது சுற்று ஆட்டம் ஒன்றில் இந்தியாவின் சாத்விக் சாய்ராஜ் ரங்கிரெட்டி- சிராக் ஷெட்டி ஜோடி, ஆல் இங்கிலாந்து சாம்பியனான இந்தோனேஷியாவின் முகமது சோஹிபுல் பிக்ரி- பாகஸ் மவ்லானா ஜோடியுடன் மோதியது.
இந்த ஆட்டத்தில் சாத்விக் சாய்ராஜ் ரங்கிரெட்டி- சிராக் ஷெட்டி ஜோடி, 17-21, 21-11, 21-18 என்ற செட் கணக்கில் முகமது சோஹிபுல் பிக்ரி- பாகஸ் மவ்லானா ஜோடிக்கு அதிர்ச்சி அளித்து வெற்றி பெற்றது.
