கவுன்சில் பிளப்ஸ்சில்,
அமெரிக்க ஓபன் சர்வதேச பேட்மிண்டன் போட்டி கவுன்சில் பிளப்ஸ்சில் நகரில் நடந்து வருகிறது. இதில் ஆண்கள் ஒற்றையர் பிரிவில் கால்இறுதி ஆட்டம் ஒன்றில் உலக தரவரிசையில் 12-வது இடத்தில் இருக்கும் இந்திய வீரர் லக்ஷயா சென், தரநிலையில் 80-வது இடத்தில் உள்ள சகநாட்டவரும், சென்னையை சேர்ந்தவருமான சங்கர் முத்துசாமியை சந்தித்தார்.
இதில் தொடக்கம் முதலே ஆதிக்கம் செலுத்திய லக்ஷயா சென் 21-10, 21-17 என்ற நேர்செட்டில் சங்கர் முத்துசாமியை வெளியேற்றி அரைஇறுதிக்கு முன்னேறினார். அரைஇறுதியில் லக்ஷனா சென், தரவரிசையில் 7-வது இடத்தில் இருக்கு லி ஷி பெங்கை (சீனா) எதிர்கொள்கிறார். இதுவரை இருவரும் நேருக்கு நேர் சந்தித்த 8 போட்டிகளில் லக்ஷயா சென் 5-ல் வெற்றி பெற்று முன்னிலை வகிக்கிறார்.
பெண்கள் ஒற்றையர் பிரிவின் கால்இறுதியில் உலக தரவரிசையில் 12-வது இடத்தில் உள்ள இந்தியாவின் முன்னணி வீராங்கனை பி.வி.சிந்து 20-22, 13-21 என்ற நேர்செட்டில் தரநிலையில் 36-வது இடத்தில் இருக்கும் சீனாவின் காவ் பாங்ஜியிடம் அதிர்ச்சி தோல்வி கண்டு நடையை கட்டினார்.
