நிதி விஷயத்தில் ஒழுங்காக இருப்பவர்கள், எல்லா விஷயங்களிலும் ஒழுங்காக இருப்பார்கள் என்றொரு கூற்று உண்டு. இது பிரபலங்களுக்கும் பொருந்தும்.
அந்தவகையில், இந்தியாவின் நம்பர் 1 டென்னிஸ் வீராங்கனை அங்கிதா ரெய்னாவிடம், விளையாட்டு தவிர்த்த, நிதி சார்ந்த ஒரு சுறுசுறு சுருக் பேட்டி...
நீங்கள் முதன்முதலில் பெற்ற பெரியதொகை காசோலை: 2009-ம் ஆண்டில் மும்பையில் ஐ.டி.எப். தொடரில் விளையாடியபிறகு எனக்கு வழங்கப்பட்ட காசோலை. அதை நான் அப்படியே என் அம்மாவிடம் கொடுத்துவிட்டேன்.
நீங்கள் இதுவரை வாங்கியதிலேயே மிகவும் விலை உயர்ந்த பொருள்: இனிமேல்தான் அப்படி ஒரு பொருளை வாங்க வேண்டும்.
விளையாட்டில் நீங்கள் ஈட்டும் பணத்தை யார் நிர்வகிக்கிறார்கள், எவற்றில் எல்லாம் நீங்கள் முதலீடு செய்கிறீர்கள்: நான் ஈட்டும் பணத்தை எங்கம்மாவும், எனது சகோதரனுமே நிர்வகிக்கிறார்கள். அவர்கள், பரஸ்பர நிதிகள், பிக்சட் டெபாசிட்கள் போன்றவற்றில் அப்பணத்தை முதலீடு செய்கிறார்கள்.
பண விஷயத்தில் நீங்கள் செய்த தவறு: இதுவரை எதுவுமில்லை.
அடுத்து நீங்கள் திட்டமிட்டிருக்கும் பெரிய செலவு: ஒரு கார் வாங்க எண்ணுகிறேன். சிறுவயது முதலே, வோக்ஸ்வேகன் பீட்டில் கார் வாங்க வேண்டும் என்பது என் கனவு. ஆனால் இப்போது அந்தக் கார் தயாரிக்கப்படுகிறதா என்றுகூட எனக்குத் தெரியாது.
பணம் தொடர்பாக நீங்கள் மற்றவர்களுக்குச் சொல்ல விரும்பும் அறிவுரை: நிறையச் சம்பாதியுங்கள், அதை புத்திசாலித்தனமாகச் செலவழியுங்கள். ஆனால் எப்போதும், பணம்தான் வாழ்வில் மிக முக்கியமான விஷயம் என்று எண்ணிச் செயல்படாதீர்கள்.