மெல்போர்ன்,
'கிராண்ட்ஸ்லாம்' போட்டிகளில் ஒன்றான ஆஸ்திரேலிய ஓபன் டென்னிஸ் தொடர் மெல்போர்னில் நடைபெற்று வருகிறது. விறுவிறுப்பான கட்டத்தை எட்டியுள்ள இந்த தொடரில் கலப்பு இரட்டையர் பிரிவின் இறுதிப்போட்டி நேற்று நடைபெற்றது.
இந்த போட்டியில் ஆஸ்திரேலியாவின் ஜான் பியர்ஸ் - ஒலிவியா காடெக்கி ஜோடி, சகநாட்டு இணையான ஜான்-பேட்ரிக் ஸ்மித் - கிம்பர்லி பிர்ரெல் ஜோடியை எதிர்கொண்டது.
இந்த ஆட்டத்தின் முதல் செட்டை 3-6 என்ற புள்ளிக்கணக்கில் இழந்த ஜான் பியர்ஸ் - ஒலிவியா காடெக்கி ஜோடி, ஆட்டத்தின் அடுத்த இரு செட்களை 6-4, 10-6 என்ற புள்ளிக்கணக்கில் கைப்பற்றி அசத்தியது.
இதன் மூலம் 3-6, 6-4, 10-6 என்ற செட் கணக்கில் ஜான்-பேட்ரிக் ஸ்மித் - கிம்பர்லி பிர்ரெல் ஜோடியை வீழ்த்திய ஜான் பியர்ஸ் - ஒலிவியா காடெக்கி ஜோடி சாம்பியன் பட்டத்தை வென்றது.