பாரீஸ்,
பல முன்னணி வீரர்கள் மற்றும் வீராங்கனைகள் கலந்து கொண்டுள்ள பிரெஞ்சு ஓபன் டென்னிஸ் தொடர் பாரீசில் களிமண் தரை மைதானங்களில் நடந்து வருகிறது.
இந்த தொடரில் நேற்று நடைபெற்ற ஆண்கள் இரட்டையர் பிரிவின் காலிறுதி ஆட்டம் ஒன்றில் இந்தியாவின் ரோகன் போபண்ணா - ஆஸ்திரேலியாவின் மேத்யூ எப்டன் இணை, பெல்ஜியத்தின் சாண்டர் கில்லே - ஜோரன் விலீஜென் இணையுடன் மோதியது.
இந்த ஆட்டத்தில் ஆரம்பம் முதலே அபாரமாக செயல்பட்ட போபண்ணா இணை 7-6 (7-3), 5-7, 6-1 என்ற செட் கணக்கில் பெல்ஜியத்தின் சாண்டர் கில்லே - ஜோரன் விலீஜென் இணையை வீழ்த்தி அரையிறுதிக்கு முன்னேறியது.
