இண்டியன்வெல்ஸ் டென்னிஸ்: அரைஇறுதியில் நடால்

இண்டியன்வெல்ஸ்,

பி.என்.பி.பரிபாஸ் ஓபன் சர்வதேச டென்னிஸ் போட்டி அமெரிக்காவின் இண்டியன்வெல்ஸ் நகரில் நடந்து வருகிறது.

இதில் ஆண்கள் ஒற்றையர் பிரிவு கால்இறுதி ஆட்டம் ஒன்றில், உலக தரவரிசையில் 4-வது இடத்தில் இருக்கும் ஸ்பெயின் வீரர் ரபெல் நடால் 7-6 (7-0), 5-7, 6-4 என்ற செட் கணக்கில் ஆஸ்திரேலியாவின் நிக் கைர்ஜியோஸ்சை போராடி வீழ்த்தி அரைஇறுதியை எட்டினார். இந்த ஆட்டம் 2 மணி 46 நிமிடம் நீடித்தது. நடால் இந்த ஆண்டில் தொடர்ச்சியாக பெற்ற 19-வது வெற்றி இதுவாகும்.

மற்றொரு கால்இறுதியில் ஸ்பெயின் வீரர் கார்லோஸ் அல்காரஸ் 6-4, 6-3 என்ற நேர்செட்டில் இங்கிலாந்தின் கேமரூன் நோரியை விரட்டியடித்தார். அரைஇறுதியில் நடால், அல்காரஸ்சை சந்திக்கிறார்.