ஜிஸ்டாட்,
பல முன்னணி வீரர்கள் பங்கேற்றுள்ள சுவிஸ் ஓபன் சர்வதேச டென்னிஸ் போட்டி சுவிட்சர்லாந்தில் உள்ள ஜிஸ்டாட் நகரில் நடந்து வருகிறது. இதில் ஆண்கள் ஒற்றையர் பிரிவில் நேற்று நடைபெற்ற அரையிறுதி ஆட்டங்களில் அலெக்சாண்டர் பப்ளிக் 6-1, 7-5 என்ற செட் கணக்கில் ஆர்தர் காசாக்ஸையும், ஜுவான் மானுவல் செருண்டோலோ 6-3, 6-3 என்ற நேர் செட் கணக்கில் இக்னாசியோ பஸ்ஸையும் வீழ்த்தி இறுதிப்போட்டிக்கு முன்னேறினர்.
இந்நிலையில், சாம்பியன் பட்டம் யாருக்கு என்பதை தீர்மானிக்கு இறுதிப்போட்டி இன்று நடக்கிறது. இதில் ஜுவான் மானுவல் - பப்ளிக் ஆகியோர் மோத உள்ளனர். இருவரும் சாம்பியன் பட்டத்தை வெல்ல கடுமையா போராடுவர். இதனால் ஆட்டத்தில் விறுவிறுப்புக்கு பஞ்சம் இருக்காது.