நியூயார்க்,
டன்னிஸ் வீரர், வீராங்கனைகளின் புதிய தரவரிசை பட்டியலை சர்வதேச டென்னிஸ் சங்கம் நேற்று வெளியிட்டது. இதில் ஆண்கள் ஒற்றையர் பிரிவில் ஊக்கமருந்து சர்ச்சையில் சிக்கி 3 மாத காலம் தடையை அனுபவித்து வரும் இத்தாலி வீரர் ஜானிக் சினெர் முதலிடத்தில் நீடிக்கிறார். 2-வது இடத்தில் ஜெர்மனியின் அலெக்சாண்டர் ஸ்வெரேவும், 3-வது இடத்தில் ஸ்பெயினின் அல்காரசும் உள்ளனர். முன்னாள் நம்பர் 1 வீரரான ஜோகோவிச் 7-வது இடத்தில் தொடருகிறார். துபாய் ஓபன் டென்னிசில் சாம்பியன் பட்டம் வென்ற சிட்சிபாஸ் (கிரீஸ்) இரு இடம் உயர்ந்து அவர் 9-வது இடத்தை பிடித்துள்ளார்.
இரட்டையர் தரவரிசையில் இந்தியாவின் ரோகன் போபண்ணா ஒரு இடம் உயர்ந்து 21-வது இடத்திலும், யுகி பாம்ப்ரி 5 இடங்கள் முன்னேறி 39-வது இடத்தையும் பிடித்துள்ளனர்.
பெண்கள் ஒற்றையர் பிரிவில் பெரிய அளவில் மாற்றமில்லை. பெலாரசின் சபலென்கா முதலிடத்திலும், போலந்தின் ஸ்வியாடெக் 2-வது இடத்திலும், அமெரிக்காவின் கோகோ காப் 3-வது இடத்திலும் தொடருகிறார்கள்.
