சுவிஸ் ஓபன் பேட்மிண்டன்: பிவி சிந்து, பிரணாய் அரையிறுதிக்கு முன்னேற்றம்..!

பாசெல்,

சுவிட்சர்லாந்து ஓபன் பேட்மிண்டன் போட்டி அங்குள்ள பாசெல் நகரில் நடந்து வருகிறது. இதில் பிவி சிந்து காலிறுதி சுற்றில் கனடாவின் மிச்செல் லியை எதிர்கொண்டார், 36 நிமிடங்கள் நீடித்த இந்த போட்டியில் சிந்து 21-10, 21-19 என்ற நேர் செட்களில் வெற்றி பெற்று அரையிறுதிக்கு முன்னேறினார்.

இதே போல் பிரணாய் 21-16, 21-16 என்ற செட் கணக்கில் காஷ்யப்பை வீழ்த்தி அரையிறுதிக்கு முன்னேறினார். இந்த போட்டி 43 நிமிடங்கள் நீடித்தது.

நாளை நடைபெறும் அரையிறுதி போட்டியில் சிந்து, தாய்லாந்தின் சுபனிடா கேத்தோங்கை எதிர்கொள்கிறார்.