திட்டச்சேரி, மே.10-
திருமருகல் வடக்கு ஒன்றிய தி.மு.க. நிர்வாகிகள் ஆலோசனைக் கூட்டம் நடைபெற்றது.கூட்டத்திற்கு அவைத்தலைவர் விவேகானந்தன் தலைமை தாங்கினார்.முன்னாள் ஒன்றிய செயலாளர் செல்வம் முன்னிலை வகித்தார். திருமருகல் வடக்கு ஒன்றிய செயலாளர் செல்வ செங்குட்டுவன்வரவேற்றார்.மாவட்ட செயலாளர் கவுதமன் கலந்து கொண்டு பேசினர்.தமிழக முதல்-அமைச்சராக மு.க. ஸ்டாலின் பொறுப்பேற்று ஓராண்டில் சிறப்பாக ஆட்சி செய்து இந்தியாவின் சிறந்த முதல்-அமைச்சராக தேர்ந்தெடுக்கப்பட்டுள்ளதற்கு நன்றி தெரிவிப்பது, முன்னாள் முதல்-அமைச்சர் கருணாநிதி பிறந்த நாளை முன்னிட்டு ஜூன் 3-ந் தேதி கிளை கழகம் தோறும் கட்சி கொடியை ஏற்றி இனிப்புகள் வழங்கி சிறப்பாக கொண்டாட வேண்டும். மாநில இளைஞரணி செயலாளர் உதயநிதி ஸ்டாலினை அமைச்சராக்க முதல்-அமைச்சரை கேட்டுக்கொள்வது, ஊராட்சி கிளை கழகங்களில் அதிக அளவில் உறுப்பினர்களை சேர்க்க வேண்டும் என்பன உள்ளிட்ட பல்வேறு தீர்மானங்கள் கூட்டத்தில் நிறை வேற்றப்பட்டன. இதில் மாவட்ட, ஒன்றிய, நகர, கிளை கழக நிர்வாகிகள் பலர் கலந்து கொண்டனர்.