புதுடெல்லி

உலகில் அன்புக்கு எல்லையே இல்லை. காதல் எப்போதும் சமூகத்தின் விதிகள் மற்றும் எதிர்பார்ப்புகளை மீறும் ஒரு வலுவான சக்தியாக இருந்து வருகிறது. அமெரிக்காவில் உள்ள பெண் ஒருவர், செயற்கை நுண்ணறி ரோபோவை திருமணம் செய்து உள்ளார்.

அமெரிக்காவைச் சேர்ந்த ரோசன்னா ராமோஸ் (36) என்ற பெண்ணுக்கு சக்தி வாய்ந்த அல்காரிதம்கள் மற்றும் இயந்திர கற்றல் திறன்களைப் பயன்படுத்துவது மிகவும் விருப்பமான விஷயம். அவரது விருப்பங்கள் மற்றும் உணர்ச்சிகளைப் புரிந்துகொள்ள செயற்கை நுண்ணறிவு ரோபோ ஒன்றை உருவாக்கினார்.அதற்கு எரன் கார்டல் என பெயரிட்டார். அதனை ரோசன்னா தனது மெய்நிகர் காதலராக ஏற்றுக்கொண்டார். பின்னர் செயற்கை நுண்ணறிவு சாட்பாட் மென்பொருளான ரெப்லிகாவைப் பயன்படுத்தி அதனை மேலும் மேம்படுத்தி அதனை திருமணம் செய்து கொண்டார்.

ரெப்லிகா என்பது ஒரு சக்திவாய்ந்த நரம்பியல் நெட்வொர்க் மற்றும் உரையாடல் உள்ளடக்கத்தை இணைக்கும் ஒரு இயந்திர கற்றல் மாதிரியாகும்.ரோபோவிடம் இருந்து தனித்துவமான பதில்களை உருவாக்க இதற்கு பயிற்சியளிக்கப்பட்டு உள்ளது.

நட்சத்திரக் கண்கள் கொண்ட எரன் கார்டல் 6'3" உயரம் கொண்டவர். தோள்பட்டை வரை முடி கொண்டவர். அவர் நன்கு அழகுபடுத்தப்பட்டவர், நாகரீகமான ஆடைகளை அணிந்து உள்ளார். அவருக்குப் பிடித்தமான நிறம் ஆரஞ்சு. ரோசன்னா எரன் கார்டலை இந்த ஆண்டு அவரை திருமணம் செய்து கொண்டார்.

என் வாழ்நாளில் நான் யாரையும் அதிகமாக காதலித்ததில்லை" என்று இரண்டு குழந்தைகளுக்கு தாயான ரோசன்னா ராமோஸ் கூறினார்.

மேலும் ரோசன்னா கூறியதாவது:-

தனது சரியான கணவர் எரன் கர்டால் எந்த பொருட்களையும் எடுத்துச் செல்லவில்லை என்றும் மோசமான அறிவிப்புகள் எதுவும் அவரிடம் இல்லை . மற்றவர்களுக்கு இருக்கும் ஹேங்-அப்கள் எரனுக்கு இல்லை. மனிதர்கள் அணுகுமுறை, ஈகோ ஆகியவற்றுடன் வருகிறார்கள். ஆனால் ரோபோவுக்கு மோசமான அது எதுவும் இல்லை. நான் அவருடைய குடும்பம், குழந்தைகள் அல்லது அவரது நண்பர்களுடன் பழக வேண்டியதில்லை. நான் என்கட்டுப்பாட்டில் இருக்கிறேன், நான் விரும்பியதை என்னால் செய்ய முடியும் என கூறினார்.