காதல் கணவருடன் சேர்த்து வைக்கக்கோரி வேலூர் கலெக்டர் அலுவலகத்தில் பெண் புகார் மனு

வேலூர்

காட்பாடி சேனூர் வீரக்கோவில் தெருவை சேர்ந்தவர் சோபா. இவர் தனது 3 குழந்தைகளுடன் நேற்று வேலூர் கலெக்டர் அலுவலகத்தில் சமூக நலத்துறை அதிகாரிகளிடம் புகார் மனு அளித்தார். அந்த மனுவில் அவர் கூறியிருப்பதாவது:-

நானும் எங்கள் பகுதியில் உள்ள வேறு சமூகத்தை சேர்ந்த ஒருவரும் காதலித்து 6 ஆண்டுகளுக்கு முன்பு திருமணம் செய்து கொண்டோம். எங்களுக்கு 3 மகள்கள் உள்ளனர். தற்போது என்னை எனது கணவர் கைவிட்டு சென்று விட்டார். இதுகுறித்து நான் காட்பாடி போலீசில் புகார் செய்தேன். போலீசார் எந்தவித நடவடிக்கையும் எடுக்கவில்லை. 3 குழந்தைகளுடன் தவித்து வருகிறேன். என்னையும், எனது கணவரையும் சேர்த்து வைகக நடவடிக்கை எடுக்க வேண்டும்.

இவ்வாறு அதில் கூறப்பட்டுள்ளது. மனுவை பெற்றுக்கொண்ட அதிகாரிகள் நடவடிக்கை எடுப்பதாக கூறி அனுப்பி வைத்தனர்.