கிணத்துக்கடவு
கிணத்துக்கடவில் ஊராட்சி ஒன்றிய அலுவலக வளாகத்தில் ரூ.2 கோடியில் ஒருங்கிணைந்த வேளாண்மை விரிவாக்க மையம் கட்டும் பணி 2 ஆண்டுகளுக்கு முன் தொடங்கியது.
இங்கு வேளாண்மைத்துறை, தோட்டக்கலைதுறை, வேளாண் விற்பனை மற்றும் வணிகதுறை, வேளாண் பொறியியல்துறை அலுவலகங்கள் மற்றும் வேளாண் இடுபொருட்கள் குடோன்களும் அமைக்கப் பட்டு உள்ளன.
இது குறித்து விவசாயிகள் கூறும்போது, 9 மாதங்களில் இந்த கட்டிடம் கட்ட முடிவு செய்யப்பட்டு பணிகள் தொடங்கப் பட்டன. ஆனால் 2 ஆண்டுகள் ஆகியும் இதுவரை பணிகள் முடியவில்லை.
இதனால் தற்போது உள்ள வேளாண் விரிவாக்க மையத்தில் போதிய இடவசதி இல்லை. எனவே புதிய கட்டிட பணியை விரைந்து முடித்து செயல்பாட்டுக்கு கொண்டு வர வேண்டும் என்றனர்.