பாடப்புத்தகத்தில் நீக்கம்: காங்கிரஸ் கட்சி கடும் கண்டனம்

புதுடெல்லி,

என்.சி.இ.ஆர்.டி. பாடத்திட்டத்தின் கீழ்வரும் 12-ம் வகுப்பு பாடப்புத்தகத்தில் மகாத்மா காந்தி, இந்து முஸ்லிம் ஒற்றுமை. ஆர்.எஸ்.எஸ். தடை பற்றிய வரிகள் நீக்கப்பட்டிருப்பதற்கு காங்கிரஸ் கட்சி கடும் கண்டனம் தெரிவித்துள்ளது.

இதுபற்றி அந்த கட்சியின் தலைவர் கார்கே கூறியதாவது:-

நீங்கள் பாடப்புத்தகங்களில் மாற்றங்களைச் செய்யலாம். ஆனால் இந்தியாவின் வரலாற்றை மாற்றி விட முடியாது. இது பா.ஜ.க. மற்றும் ஆர்.எஸ்.எஸ். முயற்சி. அவர்கள் விரும்பும் வரை முயற்சிக்கட்டும். ஆனால் அவர்களால் வரலாற்றை அழித்து விட முடியாது என்று அவர் கூறி உள்ளார்.