<
உலகின் மிகப்பெரிய பயங்கரவாதவாதி அமெரிக்கா - ஹபீஸ் சயீத்
ஹபீஸ் சயீத் அல் கத்ஸியாவில் நேற்று வெள்ளிக்கிழமை) சொற்பொழிவு நிகழ்த்தினார். அப்போது உலகின் மிகப்பெரிய பயங்கரவாதியாக ஐக்கிய அமெரிக்கா உள்ளது என கூறினார். #HafizSaeed
லாகூர்
மும்பை மாநகரில் 2008–ம் ஆண்டு நவம்பர் 26–ந் தேதி பாகிஸ்தான் பயங்கரவாதிகள் 10 பேர் நுழைந்து, 10–க்கும் மேற்பட்ட இடங்களில் அதிபயங்கர தாக்குதல்கள் நடத்தினர்.
இந்த தாக்குதல்களில் 166 பேர் கொன்று குவிக்கப்பட்டனர். இந்த தாக்குதல்களை, பாகிஸ்தானில் இருந்து கொண்டு மூளையாக செயல்பட்டு வழி நடத்தியவர், சர்வதேச பயங்கரவாதி ஹபீஸ் சயீத் ஆவார். இவர்தான், லஷ்கர் இ தொய்பா மற்றும் ஜமாத் உத் தவா ஆகிய பயங்கரவாத அமைப்புகளின் நிறுவனரும் ஆவார்.
மும்பை தாக்குதலை தொடர்ந்து இவரை சர்வதேச பயங்கரவாதி என ஐ.நா. பாதுகாப்பு கவுன்சில் பிரகடனம் செய்தது. மேலும், அவரது தலைக்கு அமெரிக்கா சுமார் ரூ.65 கோடி விலை வைத்து உள்ளது.
அமெரிக்காவின் நிர்ப்பந்தம் காரணமாக அவரை பாகிஸ்தான் அரசு சில காலம் வீட்டுக்காவலில் வைத்தது. ஆனால் அவர் கடந்த ஆண்டு நவம்பர் மாதம் இறுதியில் விடுதலை செய்யப்பட்டு விட்டார். அவரை மீண்டும் கைது செய்து, நடவடிக்கை எடுக்க வேண்டும் என்று அமெரிக்கா தொடர்ந்து வலியுறுத்தி வருகிறது
இந்த நிலையில் ஒரு வழியாக ஹபீஸ் சயீத் பயங்கரவாதி என பாகிஸ்தான் அரசு ஒப்புக்கொண்டது. இதுதொடர்பாக முறைப்படி அறிவிப்பும் வெளியிடப்பட்டு விட்டது. அவரது நிறுவனங்களுக்கு தடை விதிக்கபட்டது.
இந்த நிலையில் மார்கஸ் ஹபீஸ் சயீத் அல் கத்ஸியாவில் நேற்று (வெள்ளிக்கிழமை) சொற்பொழிவு நிகழ்த்தினார். அப்போது உலகின் மிகப்பெரிய பயங்கரவாதியாக ஐக்கிய அமெரிக்கா உள்ளது என கூறினார்.
அமெரிக்காவுக்கு பாகிஸ்தான் உதவுகிறது. உலகின் மிகப்பெரிய பயங்கரவாதி, ஒவ்வோரு வருடமும் லட்சக்கணக்கானோரை கொலை செய்வதில் யார் ஈடுபட்டு உள்ளார். இப்போது பயங்கரவாதிகளுக்கு உதவியளிப்பவர்களையும் கைது செய்யப்பட வேண்டும்
ஆப்கானிஸ்தானில் உள்ள மக்களைக் கொல்ல பாகிஸ்தானில் இருந்து ஆளில்லா விமான தாக்குதல்களை நடத்த பாகிஸ்தான் அமெரிக்காவுக்கு உதவுகிறது. பாகிஸ்தானின் ஆட்சியாளர்கள் அமெரிக்கா மகிழ்ச்சியடைந்ததாக கருதுகின்றனர்.
ஆப்கானிஸ்தானில் அதன் தோல்விக்கு பாகிஸ்தான் தான் காரணம் என கூறிக்கொண்டு அமெரிக்கா 33 பில்லியன் அமெரிக்க டாலர்களை வழங்குகிறது.ஆப்கானிய தலிபான் மற்றும் ஆப்கன் முஜாஹிதீன் ஆகியோரும் அமெரிக்காவின் தோல்விக்கு பொறுப்பேற்கவில்லை. கத்தாரில் அமெரிக்கா ஒரு அலுவலகத்தை திறந்து தாலிபனை தங்கள் பிரச்சினைகளை தீர்த்துக் கொள்ளும்படி கேட்டார்கள்.
ஜமாத் உத் தவா வின் மஜித் (மசூதிகள்), மதராசாஸ் (மத பள்ளிகள்) மற்றும் கல்வி நிறுவனங்கள் மற்றும் , ஆம்புலன்ஸ்கள் ஆகியவற்றை கட்டுப்பாட்டில் எடுக்க சொத்துக்களை கைப்பற்ற இப்போது ஒரு உத்தரவை வெளியிட்டது. அமெரிக்கா பாகிஸ்தானில் ஜமாத் உத் தவா வின் பெயரைக் காண விரும்பவில்லை என கூறினார்.
Related Tags :
Next Story
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper) Archive Sitemap
காப்புரிமை 2024, © The Thanthi Trust Powered by Hocalwire