உலக செய்திகள்

ரஷியாவில் படகுகள் மோதலில் 10 பேர் சாவு + "||" + 10 killed in clash in Russia Boats

ரஷியாவில் படகுகள் மோதலில் 10 பேர் சாவு

ரஷியாவில் படகுகள் மோதலில் 10 பேர் சாவு
ரஷியாவில் உலக கால்பந்து போட்டி நடக்க உள்ள நகரில் படகுகள் மோதலில் 10 பேர் பலியானார்கள்.

மாஸ்கோ,

ரஷியாவில் உலக கால்பந்து போட்டி நடைபெறுகிற நகரங்களில் ஒன்று வோல்காகிரேட். இந்த நகரத்தில்தான் இங்கிலாந்து, துனிசியா, நைஜீரியா, ஐஸ்லாந்து, சவுதி அரேபியா, எகிப்து, ஜப்பான், போலந்து நாடுகள் பங்கேற்கிற முதல் சுற்று போட்டிகள் நடக்க உள்ளன.

அங்கு உள்ள வோல்கா ஆற்றில் நேற்று முன்தினம் உள்ளூர் நேரப்படி இரவு 10 மணிக்கு ஒரு உல்லாச படகு, மற்றொரு இழுவை படகுடன் பயங்கரமாக மோதி விபத்து நேரிட்டது.

உல்லாச படகில் மொத்தம் 16 பேர் பயணம் செய்தனர்.

விபத்து குறித்த தகவல் அறிந்ததும் மீட்பு படையினர் அங்கு விரைந்து சென்று மீட்பு பணிகளில் ஈடுபட்டனர். எனினும் 5 பேர் மட்டும் உயிருடன் மீட்கப்பட்டனர். ஒருவர் என்ன ஆனார் என தெரியவில்லை. 10 பேரை பிணங்களாகத்தான் மீட்க முடிந்தது.

மீட்கப்பட்டவர்களில் 3 பேர் மருத்துவமனையில் சேர்க்கப்பட்டு சிகிச்சை அளிக்கப்படுகிறது.

இறந்தவர்கள் அனைவரும் ரஷிய நாட்டினர் ஆவர்.

இந்த விபத்து குறித்து அங்கு தீவிர விசாரணை நடத்தப்படுகிறது.



தொடர்புடைய செய்திகள்

1. எல்லைத் தாண்டிய பயங்கரவாதம் பாகிஸ்தானுக்கு இந்தியா - ரஷியா கூட்டாக எச்சரிக்கை
எல்லைத் தாண்டிய பயங்கரவாதம் விவகாரத்தில் பாகிஸ்தானுக்கு இந்தியா - ரஷியா கூட்டாக எச்சரிக்கையை விடுத்துள்ளது.
2. ரஷியாவிடம் இருந்து எஸ்–400 ஏவுகணைகள் வாங்கும் இந்தியாவிற்கு ‘பொருளாதார தடை விதிக்கப்படும்’ அமெரிக்கா மிரட்டல்
ரஷியாவிடம் இருந்து எஸ்-400 ஏவுகணைகள் வாங்கும் இந்தியாவிற்கு பொருளாதார தடை விதிக்கப்படும் என அமெரிக்கா மறைமுகமாக மிரட்டல் விடுத்துள்ளது.
3. ஆயுதம் வாங்கும் சீனா மீது அமெரிக்கா பொருளாதார தடை விதிப்பு, ரஷியா எச்சரிக்கை
ஆயுதம் வாங்கும் சீனா மீது பொருளாதார தடை விதித்து அமெரிக்கா நெருப்புடன் விளையாடுவதாக ரஷியா கடும் எச்சரிக்கை விடுத்துள்ளது.
4. ரஷியாவின் எஸ்-400 ரக ஏவுகணையை இந்தியா வாங்குவது பொருளாதார தடைக்கு வழிவகை செய்யும் - அமெரிக்கா
ரஷியாவிடம் இருந்து எஸ் 400 ரக ஏவுகணைகளை இந்தியா வாங்குவது பொருளாதார தடைக்கு வழிவகை செய்யலாம் என அமெரிக்கா கூறியுள்ளது.
5. ரஷியாவின் எஸ்-400 ரக ஏவுகணையை வாங்குவதில் பேச்சுவார்த்தை இறுதிக்கட்டத்தை எட்டியது - நிர்மலா சீதாராமன்
ரஷியாவிடம் இருந்து எஸ்-400 ரக ஏவுகணையை வாங்குவதில் பேச்சுவார்த்தை இறுதிக்கட்டத்தை எட்டியது என பாதுகாப்பு அமைச்சர் நிர்மலா சீதாராமன் கூறியுள்ளார்.