புதுவையில் இந்த தேர்வினை எழுத 12 ஆயிரத்து 864 பேர் விண்ணப்பித்திருந்தனர். ஆனால் அவர்களில் 432 பேர் தேர்வு எழுத வரவில்லை.

595 பேர் எழுதவில்லை

இதேபோல் காரைக்காலில் 2 ஆயிரத்து 497 பேர் விண்ணப்பித்திருந்தனர். ஆனால் 163 பேர் தேர்வு எழுதவரவில்லை. புதுவை-காரைக்காலில் ஒட்டுமொத்தமாக 14 ஆயிரத்து 758 மாணவ, மாணவிகள் இந்த தேர்வு எழுதினர். 595 பேர் தேர்வு எழுதவரவில்லை.

தேர்வுகளில் முறைகேடுகளை தவிர்க்க 5 பறக்கும் படைகளும் அமைக்கப்பட்டிருந்தன. மேலும் தேர்வு மையங்களில் தடையின்றி மின்சாரம் கிடைக்க ஜெனரேட்டர் வசதியும், பாதுகாப்புக்காக போலீசாரும் பணியில் ஈடுபட்டிருந்தனர்.