இதேபோல் திருஷ்டி சுற்றிய வெண் பூசணிக்காய்களையும் பொதுமக்கள் சாலைகளில் போட்டு உடைத்தனர். மேலும் வீடுகளை சுத்தப்படுத்தி தேவையில்லாத பொருட்களையும் தெருக்களில் தூக்கி போட்டனர்.

இதனால் புதுவை தெருக்களில் ஆங்காங்கே குப்பைகள் தேங்கி கிடந்தது. நகராட்சி சார்பில் வைக்கப்பட்டு இருக்கும் குப்பை தொட்டிகளும் நிரம்பி வழிந்தன.

நகராட்சி ஊழியர்கள், தனியார் ஒப்பந்த ஊழியர்கள் இணைந்து விடிய விடிய துப்புரவு பணி மேற்கொண்டனர். நேற்று ஒரே நாளில் புதுச்சேரி நகராட்சிக்கு உட்பட்ட பகுதியில் சுமார் 220 டன் குப்பையும், உழவர்கரை நகராட்சிக்கு உட்பட்ட பகுதியில் 230 டன் குப்பையும் என மொத்தம் 450 டன் குப்பை அகற்றப்பட்டன.