புனே மாவட்ட பகுதியில் நேற்று ரெட்பேர்டு என்ற தனியார் விமான பயிற்சி நிறுவனத்தை சேர்ந்த குட்டி விமானம் பயிற்சியில் ஈடுபட்டு கொண்டு இருந்தது. விமானியுடன் மேலும் ஒருவரும் விமானத்தில் இருந்தார். மாலை 5 மணியளவில் பாராமதி தாலுகா கத்பல் கிராமப்பகுதியில் விமானம் சென்று கொண்டு இருந்தது. அப்போது திடீரென விமானம் விபத்தில் சிக்கி தரையில் முட்புதரில் விழுந்து நொறுங்கியது. விமானத்தில் இருந்த விமானி உள்பட 2 பேரும் படுகாயமடைந்தனர். தகவல் அறிந்து சென்ற மீட்பு படையினர் விமான விபத்தில் காயமடைந்த விமானி உள்பட 2 பேரையும் மீட்டு அருகில் உள்ள ஆஸ்பத்திரிக்கு அனுப்பி வைத்தனர். மேலும் விபத்து குறித்து வழக்குப்பதிவு செய்து விபத்துக்கான காரணம் குறித்து விசாரணை நடத்தி வருகின்றனர். விமானம் விழுந்து ஏற்பட்ட விபத்தால் பாராமதி பகுதியில் பரபரப்பு ஏற்பட்டது.