தமிழில் வெற்றி பெற்ற படங்களின் இரண்டாம் பாகங்கள் வந்துள்ளன. இந்த வரிசையில் '7 ஜி ரெயின்போ' காலனி படத்தின் இரண்டாம் பாகமும் தயாராக உள்ளது. '7 ஜி ரெயின்போ காலனி' ரவிகிருஷ்ணா, சோனியா அகர்வால் ஜோடியாக நடித்து 2004-ல் திரைக்கு வந்து நல்ல வசூல் பார்த்தது. செல்வராகவன் இயக்கி இருந்தார்.

படத்தில் இடம் பெற்ற 'கண்பேசும் வார்த்தைகள்' உள்ளிட்ட பாடல்கள் ரசிகர்களை கவர்ந்தன. 19 வருடத்துக்கு பிறகு தற்போது '7 ஜி ரெயின்போ காலனி' 2-ம் பாகத்துக்கான பட வேலைகள் தொடங்கி உள்ளன. முதல் பாகத்தை இயக்கிய செல்வராகவனே 2-ம் பாகத்தையும் இயக்க இருக்கிறார். முதல் பாகத்தில் நடித்த ரவி கிருஷ்ணா 2-ம் பாகத்திலும் நாயகனாக நடிக்கிறார்.