காரைக்கால் மாவட்டம் நெடுங்காடு போலீஸ் நிலைய ஏட்டு சசிதரன், போலீஸ்காரர் ரமேஷ்குமார், பெண் போலீசார் விஜயலட்சுமி, இந்திரா ஆகியோர் ஒருவழக்கு தொடர்பாக குற்றவாளிகளை கைது செய்ய தொண்ட மங்கலம் கிராமத்துக்கு சென்றனர். அங்கு வினோத்குமார், மகாலட்சுமி 2 பேரையும் கைது செய்ய முயன்றனர். அப்போது வினோத்குமாரின் அண்ணன்கள் கண்ணன் (வயது 32), சுந்தரபாண்டியன் (34), உறவினர் ஆறுமுகம் (55) ஆகியோர் போலீசாரை தடுத்து தரக்குறைவாக திட்டியுள்ளனர். மேலும் பெண் போலீசாரை தாக்கி, இடித்து தள்ளியதாக கூறப்படுகிறது.