சென்னையை மையமாக கொண்டு செயல்படும் பிரபல மதிப்பீடு நிறுவனமான ஐ.சி.ஆர்.ஏ. இந்த நிதியாண்டில் (2025-26) இருசக்கர வாகனங்கள் விற்பனை 6 முதல் 9 சதவீதம்வரை உயரும் என தெரிவித்துள்ளது. அந்த நிறுவனம் வெளியிட்ட தகவலின்படி கடந்த ஜூலை மாதத்தில் கடந்த ஆண்டு கணக்கீட்டை காட்டிலும் 9 சதவீதம் அதிகரித்து 15 லட்சம் இருசக்கர வாகனங்கள் விற்பனையாகியுள்ளதாக தெரிவித்துள்ளது.
அதிகபட்சமாக ஹீரோ நிறுவனம் 5 லட்சத்து 54 ஆயிரம் வாகனங்களை விற்றுள்ளதாக தெரிவித்துள்ளது. மத்திய அரசின் ஜி.எஸ்.டி வரி சீர்திருத்த அறிவிப்பு, கிராமப்புற மற்றும் நகர்ப்புற தேவை, பண்டிகை காலம் ஆகிய காரணங்களால் வரும் நாட்களில் இருசக்கர வாகனங்கள் விற்பனை மேலும் அதிகரிக்கும் என தெரிவித்துள்ளது.