இந்த நிலையில் மும்பை ஜூஹு போலீஸ் நிலையத்துக்கு ஷெர்லின் சோப்ரா நேரில் சென்று சஜித்கான் பாலியல் தொல்லை கொடுத்தது குறித்து புகார் அளித்தார். பின்னர் அவர் நிருபர்களிடம் கூறும்போது, ''சஜித்கான் மீது போலீசில் பாலியல் புகார் கொடுத்தேன். போலீஸ் நிலையத்தில் எனக்கு யாரும் உதவவில்லை. எனக்கே இப்படி என்றால் சாதாரண பெண் நிலைமையை நினைத்து பாருங்கள். சஜித்கானுக்கு நடிகர் சல்மான்கான் உதவி செய்கிறார். இதனால் சஜித்கானை யாரும் தொட முடியாது. வழக்கில் பாரபட்சமற்ற நீதி வழங்க வேண்டும்" என்றார்.