பொன்னியின் செல்வன் 2-ம் பாகம் அடுத்த மாதம் (ஏப்ரல்) 28-ந்தேதி திரைக்கு வருகிறது. இந்த நிலையில் ஐஸ்வர்யா ராயும் திரிஷாவும் தங்கள் கதாபாத்திரங்கள் குறித்து பட விழாவில் நெகிழ்ச்சியோடு பேசினர்.

ஐஸ்வர்யா ராய் கூறும்போது, "பொன்னியின் செல்வன் எனது மனதுக்கு பிடித்த படம். மணிரத்னம் இயக்கிய நிறைய படங்களில் பல கதாபாத்திரங்களில் நடித்து இருக்கிறேன். அவை அனைத்துமே மனதுக்கு நிறைவை தந்தன. ஆனால் பொன்னியின் செல்வன் படத்தில் எனக்கு கொடுத்த நந்தினி கேரக்டர் ரொம்பவே ஸ்பெஷல். இது கற்பனை கதாபாத்திரமாக இருந்தாலும் மிகவும் பிடித்து போனது'' என்றார்.