'டெடி' மற்றும் 'சார்ப்பட்டா பரம்பரை' திரைப்படங்களின் வெற்றியைத் தொடர்ந்து, நடிகர் ஆர்யா நடித்த திரைப்படம் 'கேப்டன்'. இயக்குனர் சக்தி சவுந்தர் ராஜன் இயக்கத்தில் உருவான இந்த திரைப்படம் சமீபத்தில் வெளியானது.

இந்த நிலையில் நடிகர் ஆர்யாவின் 34-வது படத்தின் அதிகாரப்பூர்வ அறிவிப்பு வெளியாகியுள்ளது. அதன்படி இந்த படத்தை குட்டிபுலி, கொம்பன், மருது, விருமன் உள்ளிட்ட படங்களை இயக்கிய இயக்குனர் முத்தையா இயக்கவுள்ளார். மேலும் இந்த படத்திற்கு இசையமைப்பாளர் ஜி.வி.பிரகாஷ் குமார் இசையமைக்கவுள்ளார்.