பிரபல இயக்குனர் மணிரத்னம் இயக்கத்தில் கமல் நடிக்கும் படம் 'தக் லைப்'. திரிஷா, ஜோஜு ஜார்ஜ், ஐஸ்வர்யா லட்சுமி, கவுதம் கார்த்திக் உள்ளிட்ட பலர் இப்படத்தில் நடிக்கின்றனர். இசைப்புயல் ஏ.ஆர்.ரகுமான் படத்துக்கு இசையமைக்கிறார். இப்படத்தை கமலின் ராஜ்கமல் நிறுவனம் தயாரிக்கிறது. ஆக்சன் படமாக உருவாகும் இப்படத்தின் படப்பிடிப்புகள் சமீபத்தில் தொடங்கியது.

சமீபத்தில், இதில் நடிகர் சிம்பு முக்கிய கதாபாத்திரம் ஒன்றில் நடிப்பதாக அதிகாரப்பூர்வமாக படக்குழு சார்பில் அறிவிக்கப்பட்டது. இந்த அறிவிப்பு வெளியான ஒரு சில நாட்களிலேயே, சிம்பு இதற்கு முன்பு நடிக்க ஒப்பந்தமான 'கொரோனா குமார்' படத்தில் நடித்து கொடுக்காமல் இழுத்தடிக்கிறார் என தயாரிப்பாளர் ஐசரி கணேஷ் தயாரிப்பாளர்கள் சங்கத்தில் புகார் கொடுத்தார்.