இதில் நயன்தாரா ஜோடியாக வருகிறார். ஜாக்கி ஷெராப், விவேக், டேனியல் பாலாஜி, கதிர், யோகிபாபு, ரெபா மோனிகா ஆகியோரும் உள்ளனர். ஏ.ஆர்.ரகுமான் இசையமைக்கிறார். இதில் விஜய் தந்தை, மகன் என்று இரட்டை வேடங்களில் நடிக்கிறார்.

மகன் விஜய் மைக்கேல் என்ற பெயரில் பெண்கள் கால்பந்து பயிற்சியாளராக வருகிறார். படத்தின் முதல் தோற்றம் சமீபத்தில் வெளியாகி ரசிகர்கள் மத்தியில் வரவேற்பை பெற்றது. தீபாவளிக்கு திரைக்கு கொண்டுவர திட்டமிட்டு உள்ளனர். விஜய் ஏற்கனவே சச்சின், காதலுக்கு மரியாதை, துப்பாக்கி, புலி, தலைவா, ஜில்லா உள்ளிட்ட பல படங்களில் 32 பாடல்களை சொந்த குரலில் பாடி இருக்கிறார்.

2017-ல் வெளியான பைரவா படத்தில் கடைசியாக பாடினார். அதன்பிறகு வெளியான மெர்சல், சர்கார் படங்களில் பாடவில்லை. இந்த நிலையில் ரசிகர்களுக்கு இன்ப செய்தியாக பிகில் படத்தில் ஏ.ஆர்.ரகுமான் இசையில் விஜய் ஒரு பாடலை பாடி இருக்கிறார். பாடல் வரிகளை விவேக் எழுதி உள்ளார்.

இந்த பாடல் ரசிகர்களுக்கு வெறித்தனமாக இருக்கும் என்று படத்தின் தயாரிப்பாளர் அர்ச்சனா உறுதிப்படுத்தி உள்ளார். ஏ.ஆர்.ரகுமான் இசையில் விஜய் பாடிய முதல் பாடல் இது என்பது குறிப்பிடத்தக்கது.