பெங்களூரு பரப்பன அக்ரஹாரா சிறையில் உள்ள கைதிகளுக்கு டி.வி., செல்போன், மதுபானம் உள்ளிட்ட சொகுசு வசதிகள் செய்து கொடுத்து இருப்பதாக கூறி வீடியோக்கள் வெளியாகி பரபரப்பை ஏற்படுத்தியது. ரேணுகாசாமி கொலை வழக்கில் சிறையில் உள்ள தர்ஷனுக்கு சொகுசு வசதி செய்து கொடுக்க சிறை அதிகாரிகள் மறுத்ததால், அந்த வீடியோவை தர்ஷனின் நண்பரான தன்வீர் வெளியிட்டு இருக்கலாம் என போலீசார் கருதினர்.

இதுதொடர்பாக பரப்பன அக்ரஹாரா போலீசார் வழக்குப்பதிவு செய்து, நடிகர் தன்வீரை நேரில் அழைத்து விசாரித்தனர். 2-வது முறையாக அவரை நேரில் அழைத்து போலீசார் விசாரித்த போது, சிறையில் கைதிகளுக்கு சொகுசு வசதிகள் செய்து கொடுத்தது தொடர்பான வீடியோ தனக்கு வந்ததாகவும், ஆனால் அந்த வீடியோவைதான் வெளியிடவில்லை என்றும் அவர் போலீசாரிடம் கூறியுள்ளார்.