தனுஸ்ரீதத்தா கூறும்போது, பாடல் காட்சியொன்றை படமாக்கியபோது நானா படேகர் அத்துமீறி நுழைந்து பாலியல் தொந்தரவு கொடுத்தார். இதுகுறித்து நான் வெளியே கூறியதால் அவரது ஆட்கள் என்னை மிரட்டினார்கள். குடும்பத்தோடு காரில் சென்றபோதும் தாக்கப்பட்டேன் என்றார்.

இதுபோல் நடிகர் அலோக் நாத் மீது பெண் டைரக்டர் வின்டா நந்தா பாலியல் புகார் தெரிவித்தார். அவர் கூறும்போது ஒரு விருந்து நிகழ்ச்சியில் மதுவில் ஏதோ கலந்து எனக்கு கொடுத்தனர். பின்னர் அலோக் நாத் அவரது காரில் என்னை வீட்டில் விடுவதாக அழைத்துச்சென்றார். அப்போது எனது வாயில் மேலும் மது ஊற்றி பாலியல் பலாத்காரம் செய்துவிட்டார் என்றார்.