கன்னடத்தில் கடந்த 2016-ம் ஆண்டு வெளியான கிரிக் பார்ட்டி படம் மூலம் ஹீரோயினாக அறிமுகமானார் ராஷ்மிகா மந்தனா. வசீகரமான முக அழகு கொண்ட அவர் முதல் படத்திலேயே தனக்கென தனி ரசிகர் பட்டாளத்தை பெற்றார். இதனைத் தொடர்ந்து தெலுங்கு திரையுலகுக்கு சென்று ராஷ்மிகா நடித்த அஞ்சனி புத்ரா, சதக் ஆகிய படங்கள் அவரை ரசிகர்களிடத்தில் மேலும் பிரபலமாக்கியது.

இதையடுத்து கடந்த 2018-ம் ஆண்டு வெளியான கீதா கோவிந்தம் படம் இந்திய அளவில் ராஷ்மிகாவை கொண்டு சேர்த்தது. 2021-ம் ஆண்டு கார்த்தி நடித்த சுல்தான் படம் மூலம் தமிழில் அறிமுகமானார் ராஷ்மிகா. இதனைத் தொடர்ந்து நடிகர் விஜய்யுடன் வாரிசு படத்தில் ஜோடியாக நடித்தார்.