இயக்குனர் நெல்சன் இயக்கத்தில் நடிகர் விஜய் நடித்துள்ள திரைப்படம் 'பீஸ்ட்'. விஜய்க்கு ஜோடியாக நடிகை பூஜா ஹெக்டே கதாநாயகியாக நடித்துள்ளார். இந்த திரைப்படத்தில் இயக்குனர் செல்வராகவன், யோகிபாபு உள்ளிட்ட பலர் நடித்துள்ளனர். சன் பிக்சர்ஸ் தயாரித்துள்ள இந்த திரைப்படத்திற்கு இசையமைப்பாளர் அனிருத் இசையமைத்துள்ளார்.

பீஸ்ட் திரைப்படம் வருகிற ஏப்ரல் மாதம் வெளியாகும் என்று படக்குழு அறிவித்துள்ளது. இந்த திரைப்படத்தின் அரபிக் குத்து என்ற பாடல் கடந்த காதலர் தினத்தன்று வெளியாகி ரசிகர்களிடையே நல்ல வரவேற்பை பெற்றது. இந்த பாடலை நடிகர் சிவகார்த்திகேயன் எழுதியிருந்தார். அனிருத் மற்றும் ஜொனிதா காந்தி இணைந்து பாடியிருந்தனர்.