'கீதா கோவிந்தம்', சர்க்காரு வாரி பட்டா' படங்களை இயக்கிய பரசுராம் இயக்கத்தில் விஜய் தேவரகொண்டா நடித்துள்ள திரைப்படம் 'பேமிலி ஸ்டார்'. இந்த படத்தில் 'சீதா ராமம்' புகழ் மிருணாள் தாகூர் கதாநாயகியாக நடித்துள்ளார். ஸ்ரீ வெங்கடேஸ்வரா கிரியேசன்ஸ் சார்பில் தில்ராஜூ மற்றும் சிரிஷ் ஆகியோர் தயாரித்துள்ளனர்.
இந்த படத்துக்கு கோபிசுந்தர் இசையமைத்துள்ளார். சமீபத்தில் வெளியான இந்த படத்தின் டைட்டில் டீசர் ரசிகர்களின் எதிர்பார்ப்பை அதிகப்படுத்தும் வகையில் இருந்தது. 'பேமிலி ஸ்டார்' திரைப்படம் வருகிற ஏப்ரல் 5-ம் தேதி வெளியாகும் என்று அறிவிக்கப்பட்டுள்ளது.
இந்த நிலையில், 'பேமிலி ஸ்டார்' படத்தின் முதல் பாடல் தற்போது வெளியாகியுள்ளது. அதன்படி, 'நந்த நந்தனா' என்ற பாடலின் லிரிக் வீடியோவை படக்குழு வெளியிட்டுள்ளது. விவேக் எழுதியுள்ள இந்த பாடலை கார்த்திக் பாடியுள்ளார். இந்த பாடல் தற்போது இணையத்தில் வைரலாகி வருகிறது.