இயக்குனர் வெங்கட் பிரபு இயக்கத்தில் விஜய் நடிப்பில் கடந்த 5-ம் தேதி வெளியான படம் 'தி கோட்'. ரூ.400 கோடி பட்ஜெட்டில் தயாரிக்கப்பட்டுள்ளதாக கூறப்படும் இப்படம் முதல் நாளில் உலகம் முழுவதும் ரூ.126.32 கோடியை வசூலித்தது. தற்போது வரை இப்படம் ரூ.315 கோடிக்கும் மேல் வசூலித்துள்ளதாக கூறப்படுகிறது.

இந்த படத்தில் விஜய், அப்பா, மகன் என இரண்டு வேடங்களில் நடித்திருந்தார். அதில், அப்பாவாக நடித்த விஜய்க்கு மனைவியாக சினேகா நடித்திருந்தார். படத்தைபோல சினேகாவும் நடிப்பிற்காக பெரும் பாராட்டுகளை பெற்று வருகிறார். இந்நிலையில், சினேகாவிற்கு முன்பு இந்த பாத்திரத்தில் நடிக்க இயக்குனர் நயன்தாராவைதான் தேர்ந்தெடுத்திருக்கிறார்.