டி.வி. நடிகை சித்ரா திருவள்ளூர் மாவட்டம் நசரத்பேட்டை அருகே உள்ள தனியார் ஓட்டலில் கடந்த 9-ந்தேதி தூக்கிட்டு தற்கொலை செய்து கொண்டார். இந்த நிலையில் சித்ராவை தற்கொலைக்கு தூண்டியதாக அவரது கணவர் ஹேம்நாத் மீது போலீசார் வழக்குப்பதிவு செய்து, கடந்த 14-ந்தேதி கைது செய்து பொன்னேரி சிறையில் அடைத்தனர்.

இந்த நிலையில், நடிகை சித்ரா தற்கொலை குறித்து காஞ்சீபுரம் மாவட்டம் ஸ்ரீபெரும்புதூர் ஆர்.டி.ஓ. திவ்யஸ்ரீ விசாரணை செய்து வருகிறார். சித்ராவின் தாய், தந்தை, சகோதரி, சகோதரர், மற்றும் ஹேம்நாத்தின் பெற்றோர் ஆகியோரிடம் விசாரணை நடத்திய நிலையில், சித்ராவின் கணவர் ஹேம்நாத்தை சிறையில் இருந்து அழைத்து வந்து விசாரணை நடத்தினார்.