இந்தியில் இயக்குனர் ஸ்ரீராம் ராகவன் இயக்கிய 'அந்தாதூன்' திரைப்படம் நல்ல வரவேற்பைப் பெற்றதோடு, தமிழ் உள்ளிட்ட பல்வேறு மொழிகளிலும் ரீமேக் செய்யப்பட்டது. தற்போது ஸ்ரீராம் ராகவன் அடுத்ததாக விஜய் சேதுபதி, கத்ரீனா கைப் நடிக்கும் புதிய படத்தை இயக்கி வருகிறார்.

இந்த படத்திற்கு 'மெரி கிறிஸ்துமஸ்' என பெயரிடப்பட்டுள்ளது. மேலும் இப்படம் டிசம்பர் மாத இறுதியில் திரைக்கு வரும் என்று எதிர்பார்க்கப்பட்ட நிலையில், படத்தின் தொழில் நுட்ப பணிகள் முடியாததாலும், திட்டமிட்ட தேதியில் வேறு படங்கள் திரைக்கு வருவதாலும் படத்தின் ரிலீசை தள்ளிவைத்திருப்பதாக கூறப்படுகிறது.