பொன்மகள் வந்தாள் சமூக அக்கறை உள்ள திகில் படம். இதில் பார்த்திபன், பாக்யராஜ், தியாகராஜன் ஆகியோருடன் நடித்தது மறக்க முடியாத அனுபவம். நீளமான வசனம் பேசி நடித்துள்ளேன். அது சவாலாக இருந்தது. முந்தைய படங்களை விட அதிக உழைப்பை கொடுத்துள்ளேன். கதை என் மனதுக்கு நெருக்கமானதாக உள்ளது.

இதில் வெண்பா என்ற பெயரில் ஊட்டியில் உள்ள ஒரு சிறிய நீதிமன்றத்தின் வக்கீலாக நடித்துள்ளேன். இந்த படத்துக்கு நானே டப்பிங் பேசி இருக்கிறேன். 20 ஆண்டுகள் கழித்தும் எனது படங்கள் பேசப்பட வேண்டும் என்பதை மனதில் வைத்து கதைகளை ஒப்புக்கொள்கிறேன். என் படங்களை பெண்கள் பார்க்கும்போது பெருமையாக நினைக்க வேண்டும். சமூக அக்கறை உள்ள கதைகளை தேர்வு செய்கிறேன். வணிக படங்களில் இருந்து வெளியே வந்து விட்டேன்.