சென்னை,
இளநிலை மருத்துவப் படிப்புக்கான கலந்தாய்வு இன்று தொடங்குகிறது என மருத்துவக் கலந்தாய்வுக் குழு அறிவித்துள்ளது.
இதன்படி அகில இந்திய இடங்களுக்கு இன்று முதல் 23-ம் தேதி வரை முதல் சுற்று மருத்துவக் கலந்தாய்வு நடைபெற உள்ளது.
அகில இந்திய இடங்களுக்கு இரண்டாம் கட்ட கலந்தாய்வு செப்டம்பர் 5 முதல் 13-ம் தேதி வரையும், 3-ம் கட்ட கலந்தாய்வு செப்டம்பர் 26 முதல் அக்டோபர் 5-ம் தேதி வரையும் நடைபெறுகிறது.
மாநில ஒதுக்கீட்டு இடங்களுக்கான கலந்தாய்வு வரும் 21-ம் தேதி தொடங்குகிறது. அக்டோபர் 1-ம் தேதி முதல் வகுப்புகள் தொடங்கும் என அறிவிக்கப்பட்டுள்ளது. மேலும், கலந்தாய்வு விவரம், அட்டவணை குறித்து மருத்துவக் கலந்தாய்வுக் குழு இணையதளத்தில் மாணவர்கள் அறிந்து கொள்ளுமாறு அறிவுறுத்தப்பட்டுள்ளது.