எம்.டி., எம்.எஸ். மற்றும் முதுகலை டிப்ளமோ போன்ற மருத்துவப்படிப்புகளில் சேருவதற்கான முதுகலை நீட் (நீட் பி.ஜி.) தேர்வு நாடு முழுவதும் கடந்த 3-ம் தேதி நடைபெற்றது. நாடு முழுவதும் 301 நகரங்களில் 1,052 தேர்வு மையங்களில் சுமார் 2 லட்சத்துக்கும் மேற்பட்டோர் இந்த தேர்வை எழுதி இருக்கிறார்கள்.

ஒரே ஷிப்டில் கணினி வாயிலாக முதல்முறையாக சுமார் 2 லட்சத்துக்கும் மேற்பட்டோர் எழுதிய தேர்வாக முதுகலை நீட் தேர்வு பார்க்கப்படுகிறது. தமிழ்நாட்டை பொறுத்தவரையில், 17 நகரங்களில் அமைக்கப்பட்டு இருந்த தேர்வு மையங்களில் சுமார் 45 ஆயிரத்துக்கும் மேற்பட்ட தேர்வர்கள் பங்கேற்றதாக கூறப்படுகிறது.