சியாச்சினில் சிறந்த சேவை

யோகேஷ் முன்னாள் ராணுவ வீரர். தற்போது இவர்களுடைய மகன் ராணுவத்தில் பணிபுரிந்து வருகிறார். அதனால் ராணுவ வீரர்கள் எதிர்கொள்ளும் சிரமங்களையும், சவால்களையும் இருவருமே உணர்வுப்பூர்வமாக உணர்ந்தவர்கள். 1999-ம் ஆண்டு முதல் ராணுவ வீரர்கள் நலனுக்காக களப்பணியாற்றி வருகிறார்கள். தற்போது சியாச்சினில் பணிபுரியும் ராணுவ வீரர்களுக்கு தேவையான ஆக்சிஜன் சிலிண்டர்கள் பல மைல் தொலைவில் இருந்து கொண்டு செல்லப்படுகின்றன. சியாச்சின் பகுதியிலேயே ஆக்சிஜன் சிலிண்டர்களை நிரப்புவதற்கான கட்டமைப்பை உருவாக்கும் முயற்சியில் இந்த தம்பதியர் ஈடுபட்டிருக்கிறார்கள். இதற்காக சுமீதா தன்னுடைய நகைகளை விற்பனை செய்து நிதி திரட்ட தொடங்கி இருக் கிறார். அவருடைய முயற்சிக்கு பலரும் ஆதரவு தெரிவித்திருக்கிறார்கள்.

நான் சியாச்சின் பகுதிக்கு சென்றிருந்தேன். அங்கு நிலவும் பருவநிலை மிகவும் கடுமையானது. கோடை காலங்களில் கூட மைனஸ் 35 டிகிரி செல்சியஸ் வெப்பநிலை நிலவும். குளிர்காலத்தில் மைனஸ் 55 டிகிரி காணப்படும். அதனால் பனிப்பொழிவின் தாக்கம் கொடூரமாக இருக்கும். அங்கு பணிபுரிபவர்கள் குடும்பத்தினர், நண்பர்களுடன் தொடர்பு கொள்ள முடியாத நிலையிலும் வேதனைகளை அனுபவிக்கிறார்கள். நாம் சுலபமாக சுவாசித்துக் கொண்டிருக்கிறோம். ஆனால் 22 ஆயிரம் அடிகளுக்கு மேல் உள்ள அந்த பனி பிரதேசத்தில் மூச்சு விடுவது மிகவும் சிரமம் என்கிறார்.

சியாச்சினில் வீரர்களுக்கு தேவையான ஆக்சிஜன் கிடைப்பதற்கான கட்டமைப்பை உருவாக்குவது பற்றி யோகேஷ் சொல் கிறார்:

சியாச்சினில் பணியாற்றும் வீரர்களுக்கு தேவையான ஆக்சிஜன் சிலிண்டர்கள் சண்டிகாரில் இருந்து கொண்டு செல்லப்படுகிறது. 22 ஆயிரம் அடி உயரத்துக்கு சிலிண்டர்களை கொண்டு செல்வதில் சிரமமும் இருக்கிறது. அங்கு சிலிண்டர்களை வழங்குவதற்கு போதுமான வசதிகள் இல்லை. அங்கு ஆக்சிஜன் கட்டமைப்பை உருவாக்கினால் வீரர் களுக்கு சுலபமாக ஆக்சிஜன் கிடைக்க தொடங்கிவிடும். தொலை தூரத்திலிருந்து சிலிண்டர்களை கொண்டு செல்வதற்கான நேரமும், போக்குவரத்து செலவும் குறையும். இதன் மூலம் 9 ஆயிரம் வீரர்கள் பயன் அடைவார்கள் என்கிறார்.